قالك
مرة شيخ كبير رايح يموت وهو على فراش الموت قال لابنو يابني راني تركتلك
وصية نعطيك هذه الرسالة كي نموت اعطيها لاي واحد يقراها بصح ما تقراهاش
انت ........مات الاب راح الابن قال لامو يا ماما ابي قبل مايموت عطاني
هذه الرسالة وقالي متقرهاش انت شوفيلي واش فيها ........قراتها امه وقالتلو
هاك الرسالة وروح عليا ما نعرفك ما تعرفني مانني امك ما جبتك لهذ الدنيا
........مسكين الابن حار واش يدير ...راح لعمه قالو اقراهالي راهو بابا قبل
مايموت وصاني بلي نعطيها لاي حد يقراها ........ فتحها عمه وقراها قالو
روح ياولد خويا ما نعرفك ما تعرفني ماني عمك ما والو .......زاد راح الابن
لكل العائلة باه يقراولو الرسالة فكان نفس الرد في كل مرة .......الابن جاه
فضول يقرى الرسالة بصح تفكر وصية ابوه .......خرج للشارع اللي يلقاه يقولو
اقراهالي يزيد يلقى نفس الرد .....هاك الرسالة وطير من قدامي
.............
مرت الايام الابن قاعد يخمم واش يدير... جاتو فكرة قال انا نروح لرئيس
الجمهورية وخلاص هو يقراهالي ...دخل للقصر الرئاسي وقابل الرئيس وحكالو
القصة كيما راهي من الاول للاخر .........قالو الرئيس لهذه الدرجة الرسالة
فيها حاجة تخلي الناس يقولولك هكذا ...ذرك نقرهالك ما كاين حت مشكل انت من
الشعب ونحن في خدمتكم ...... كي فتحها وقراها شاف معاه وقالو شوف ما نعرفك
ماك من الشعب نتاعي ماك من الرعية وماك من هذه الدولة ذرك تخرج من بلادي
......طلب الرئيس سفينة فيها قبطان وقالو اديه عليا وخرجو من البلاد ولا
طيشو في البحر ..........................
راح الابن مسكين خرج من القصر الرئاسي لم الفليزة نتاعو وراح مع القبطان
...كي عادو في نص البحر قال القبطان للابن انت واش درت حت الرئيس نفاك
.....زاد حكالو القصة من البداية حتى النهاية ....قالو القبطان هات الرسالة
نشوفها .......كي قراها قالو شد الرسالة ديالك وروح عليا ولا نطيشك في نص
البحر .......حكم الابن الرسالة وطلب منو يعطيه قارب النجاة يروح فيه
...عطاه القبطان القارب وراح الابن في القارب ....وقال والله العظيم غير
نفتح الرسالة ونقراها مادام احد ما حب يقراهالي ....كي فتحها وجاء يقراها
داها الريح وما قرهاش؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اللغز في هذه القصة واش مكتوب في الرسالة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
موضوع: من يعطيني حل هذا اللغز 
3/10/2011, 12:03 pm
أعضائنا الأعزاء المنتدى منتداكم إنشئ لخدمتكم فساهموا معنا لرقى المنتدى 
